😍Sami p’unchay llapa mamakunapaq. Tukuy sonqo napayukusunki qheswa simi hamut’ana kuraq suntur wasi.😘🤗

😍Sami p’unchay llapa mamakunapaq. Tukuy sonqo napayukusunki qheswa simi hamut’ana kuraq suntur wasi.😘🤗

Mamay!
…….
Mamayqa manan t’ikachu,
… t’ika kaspaqa,
ruphaypichá… ñaqerqonman
Nitaqmi inti k’anchachu,
… inti kaspaqa,
ch’isintachá… ch’usaqyanman,

Ñawinkunaqa manan ch’askachu,
… ch’aska kaspaqa
p´unchaypichá… tukuyukunman
Makinkunapas manan qoriqolqechu,
… qoriqolqe kaspaqa
llank’asqanpichá… thantakunman,

Mamayqa… urpikunaq takinmi,
llakiq ñit´isqan.. sonqoyuq,
weqeq sarkhasqan… ñawiyuq,
Hump’iq qhëtusqan… mat’iyuq
… hatunkaray… khuyaq sonqo.

Wasanqa manan sunch’uq t’ikanchu,
nitaqmi achanqaraychu rikranpipas
pallay llikllapin… erqe puñun,
oqe phullupin… khuyay llimphan,
thanta unkhuñapitaq… chani phoqchin.

Mamaypa chaki khallkinmi
… sönqö nanayniy,
sarusqanpi laq’akusqantaq
… weqe qochayniy.
Hinayá… yupi saqesqan
… qonqorispa much’ana.

Mamaypa qhasqonpiqa…
… manan
suni chukchallanchu saman,
… qhasqonmantaqa
sut’i waylluymi… q’aparin,
… ñuñunkunamantataqmi
inti p’unchay… phuturin,

Chhaynan… ñoqaq mamay
mana hayk’aq… sonqoypi tukukuspa,
mana hayk’aq… simiypi q’aymayaspa,
mana hayk’aq… ñawiruruypi tutayaspa
wiñaypaq … ñoqapi kawasan!

Autor: Wilbert Pacheco Álvarez

💪 Wasipi qhepakuy 💪
 QUEDATE EN CASA -YO ME QUEDO EN CASA AL CORONAVIRUS LE GANAMOS TODOS.


.
.
.
#FELIZDIADELAMADRE #FELIZDIAMAMITA #MAMITA #2D0DOMINGODEMAYO
#YOMEQUEDOENCASA #QUEDATEENCASA #AMLQ #QOSQO #CORONAVIRUS #Wasipiqhepakuy #CUSCO